Pentsa ezazu zeure bizitza ez dela zeurea. Pentsa ezazu zeure gurasoak ez direla zeureak. Pentsa ezazu zenituen lagunak, jada, ezin direla zure lagun izan. Pentsa ezazu zure nahiak, zure ametsak, akats administratibo baten ondorioz, ez direla inoiz beteko. Pentsa ezazu hitlerzale amorratua zarela zurea behar ez lukeen gorputz batean. Pentsatu zure germaniar dokumentuetan “J” bat ageri dela. Eta, azkenik, pentsa ezazu gorrotatzen dituzun pertsona horietako bat zarela; pentsatu judua zarela.
“La cobarde equidistancia”. Bitan entzun diot Ramon Saizarbitoriari esaldi hau. Lehena, Julio Medemen Euskal Pilotan izan zen. Bigarrena, berriz, saiakera honetan. Erraz justifikatzen du El Paísek eginiko kalifikazio hori; ez dago distantziakidetasun koldar horretan, baina nortasunak zerbaiten aurrean ez dio alde edo kontra jartzen uzten. Hala ere –argia dela uste dut–, euskararen munduaz iritzia ematen du, bat edo beste haserretzeko beldur gabe. Continue reading ‘Aberriaren Alde [eta Kontra]‘
Denbora luzea pasa da idatzi nuen azkeneko sarreratik eta espero dut hemendik aurrera maizago idaztea. Orain, jada aipatutako Nosferatu zikloko, zinema kronika batekin uzten zaituztet.
Continue reading ‘Nosferatu: The Girl in the Red Velvet Swing’
Urte berriarekin batera post berri ere badator, liburu baten kritika. Sarreraren izenburuak adierazten duen bezala, Pello Salabururen Euskararen Etxea liburuko kritika. Saiakera bat eskaintzen digu filologo honek; gazteentzako, euskararen auzi anitzei buruzko, gutun irekia.
Iritsi da eguna. Egun paregabea, non Ruper Ordorikak bere azken diska kaleratu duen: Memoriaren Mapan. Diska aukustikoa eskaintzen digu oraingoan Oñatiar honek, abestien lyrics-ak Joseba Sarrionaindiaren poemak direlarik. Continue reading ‘Ruper Ordorika Memoriaren Mapan’
Nosferatu aipatzean, ez naiz F.W. Murnauk, 1922an, egin zuen filmaz ari. Nosferatu esaten dudanean, Donostiako udalak, konkretuki Kultura sailak, antolatzen dituen zinema zikloez ari naiz. Orain dela 3 aste hasi zen azkena, eta “Iparramerikako Indarkeriaren Belaunaldia” jorratzen du gai bezala. 19 film emanaldi izango dira: asteazkenero bat, 20:15ean
Hona hemen, blog honetako lehenengo literatura kritika. Hau egiteko, irakurri dudan azken liburua iruzkinduko dut, Harkaitz Canoren azken aurreneko liburua, Belarraren Ahoa. Continue reading ‘Belarraren Ahoa’
Gaueko-Argia internet bidezko euskarazko blog sozio-kultural eta politiko bat bezala jaiotzen da gaur, 2006ko azaroaren 20ean. Blog honetan, liburu kronikak, politika analisiak, kritika munizipalak… eskainiak izango dira. Zuen gomendio, albiste edo informazioak ere eskertuko dira. Blog hau gustatu eta interneten asko iraungo duelakoan. Adeitasunez.
Idazle bat.
